المصدر المفيد في غناء لحج الجديد/وينك بامعك

من ويكي مصدر، المكتبة الحرة
اذهب إلى التنقل اذهب إلى البحث
المصدر المفيد في غناء لحج الجديد - وينك بامعك
المؤلف: أحمد فضل القمندان


وينك بامعك
(أحمد فضل القمندان)

ليه الحرد ليه خاف انه جفا1

بس هذا نصيبي

أنته في الصفا دوب من أهل المروّه2

فينك يا حبيبي

با اشْكي من البعد يا سِيْدي انا باك3

تدري أيش ذي بي

قلبي مِعْتِني بَكْ وانته في الهوى لِيِّه

ماشي تعتني بي

يا قِرْمِشْ ومضروب يا يعسوب محبوب4

كالغصن الرطيبِ

يا مشمش وعَمْبا يا طعم المربّا

يا حالي السُّلوب

يا عطر يا عود ماء وَرْدِي وفُلّي

مسكي وطيبي

لما متى دوب أنا مظلوم لِيْه

باتِتْحَمّلْ ذنوبي

شلّيت الوفا لَكْ في عهد المحبّة

كُلْ من دري بي

انته في الوفا كنت سَلامي وعهدك5

باني أو عزيبي6

ليه بس في الهوى ليه ذي ماشي سِخَيْتِهْ7

عذّبْني سِخِي بي

كنا في الحسيني بين الفاقية والكاذي8

يا عجيبي

يا موزه طري وحالي صفرا سُكّري9

طيبي وارفقي بي

يا عهد المودّة في روض الحسيني

مُنْعِشْ لا تغيبي

وانتي في هوى الغيد يا نار المحبّة

داويني وطيبي


هوامش:

  • 1: "الحرد": الغضب والمقاطعة
  • 2: "دوب": دائماً.
  • 3: "باك": أتمناك وأريدك
  • 4: "قرمش ومضروب": اسم أنواع من الحلوى والمأكولات.
  • 5: "سلامي": قبيلة تسكن منطقة مجاورة للحوطة.
  • 6: "باني": من قبيلة البان. "عزيبي": من قبيلة العزيبة.
  • 7: "ماشي سخيته": لم أتجرأ عليه.
  • 8: "الفاقية والكاذي": شجرتين لهما رائحة عطرة.

أنظر أيضاً[عدل]

Public domain هذا العمل في الملك العام في اليمن وفق قانون رقم 15 لسنة 2012 (اليمن) بشأن حق المؤلف والحقوق المجاورة لأن مدة حماية حقوق المؤلف قد انقضت.
اليمن