أوقرانيا، روسيه وتوركيه (مقالەلر مجموعەسى)/ناشرلر طرفندن

من ويكي مصدر، المكتبة الحرة


ناشرلر طرفندن

تورك مطبوعاتى، اوقراينا مسلەسنك كرك بالقان وكرك عمومى آوروپا سیاستیجه حائز بولوندیغی اهمیتی لایتي وجهله تقدير ايتمشدر. مطبوعات مذکوره، «ژون تورك» قوميتەسنك دور سابقده تعقیب ایتدیکی مقصدلرك عيننى بوكون تعقيب ايلەين «اوقراينا خلاصكار جمعیت اتحادیەسی» نك فعاليت و اجرا آتنی توجهکارانه بر صورتده تلقی ایله مکدەدر.

فقط حادثات کيتدکجه دها درین ودها کنیش بر ماهیت کسب ایتمکده وعینی زمانده داخلی یکدیگرینه ضد مناسبات ومنافع ايلەدولو اولان چوروك روسیه ایمپراطورلغی، خارجی و داخلی تضييقلر آلتنده صار صلوب پارچه لاتمق اوزره در.

روسيه ايمبراطور الفك وارثلري بولونان ملتلر ايله دوستلرينك منافع عمومیه عميقه نامنه اولارق متحداً حرکت ایده بیلمەلری ایچون یکدیگری آراسنده دها صيقى معارفه ومقارنت حصوله كتيرمەلری اقتضا ايدر. منافع مذكوره، ايسه ملتلره بر استقلال تام ایله سربستجه انکشاف امکانى تأمين ايتمكدن عبارتدر.

اوقراينا ملتی، روح ملينك آمال مقدسەسی اوغورنده پك چوق مزاحمه اوغرامش وپك چوق مبارزه ایتمش اولدیغندن ديكر ملتلرك بو یولدەکی آلام واکدارينى ادراكايده بيلير. بز او قراینالیلری، تورك ملتنه ربط ايدن اسكى وتاريخمزك أڭ أيى كونلرينه عائد رابطەلر موجوددر. بز، بوكون تورك ملتنه خطـاب و مراجعت ايتمكله، اوقراينـانك أڭ اسكى وطنبرورلرى ايله أڭ بويوك رجال دولتنك دعواسنی تعقیبه دوام ایتمش اولیورز. بزم بو توجه و محبتلر من حقنده روس مطبوعاتی طرفندن یا بیلان و حشیانه پايغره لره دشمن حدتله سيور، ديمك قنابر موقعده بولونيور، ضرب مثلنده مندمج بولونان حقیقتى تأييد اتمش اولورلر.

آشاغیده تورك قارئلرينه تقديم ايتمكده اولديغمز مقالەلر اوقراينا احوالى حقنده کی لوحه بی اتمام و اکمال ایده جکلردر. اوقراينا ملتنك مجادلات آمالندن تورك مطبوعاتی باشقه دفعه بحث ایتمشدی.

بز، مذکور مقالەلرك، بوایكی ملت آراسنده دها صیقی بر مقارنت حصولنه بارديم ايده جکلرینی امید ایله مکدەیز.

کانون اول ۱۹۱٤