أوقرانيا، روسيه وتوركيه (مقالەلر مجموعەسى)/اوقراينا جمعت استخلاصەسنك تورك ملتنه خطابەسی
صلح عمومينك ودولت عثمانيەنك ضررينه اولەرق بالقانلرده کندی منافع خصوصيەسنى ترويج وتأمين ايتمك يولنى دائما بولدى. بو مقصد ایله روسیه کندی کندینی طرز جدید بر حکومت حالته وضع وافراغ ایچون تورکیه جەصرف اولان بوتون مساعی یی عقیم براقەجق صورتده موانع و مشكلات ايقاعندن کری طورمدی. بالقانلرده اوتەدن بری ظهور ایدەکلن سیاسی کشمکشلرك واغتشاشارك تاريخى روسيەنك ساخته و جعلی بر بانسلاویزم مسلکنی تعقیب ایتدیکه دلیل اولەجق امثله ايله مالامالدر. روسيه سياستندەکی بو ريا وجعليتك تأثيرات مشتومەسی سائر اسلاو اقوامی طرقندن متعدد دفعەلر پك آجى و آجیقلی بر طرزده حس اولنمش والآن ده حس اولمقـده در روسیه داخانده اسارت بويوندوروغی آلتنده يشايان اقوام مختلفه و متعددەيه قارشو موسقوف حكومتجه تعقیب اولنان مسلك حركت حقنده نەلر نەلر سويلميله بيلير ! بو سیاست داخليەنك اساسنی تشکیل ایدن دستور عمل، ملل و مذاهب مختلفه به قارشو انواع تضييقات وتعدياتك اجراسسندن عبارتدر. بونك ايچوندركه مدنيت وترقينك اك بيوك وظیفه و غایەسی هر طرفنده دار آغاجاری دیکلی بولنان و بوتون افعال و اجراآتی غدر وظلم اياه آلوده بولنان روسیەیی پارچه پارچه ايتمك، ملل واقوامك او عمومی حبسخانەسنی سقمقدر. مسئله بالكنز ظلم واعتساف آلنده بشايان برطاقم اقوامی قید اسارتدن قورتار مقده دکلدر. مدنیت ایچون عینی درجەده مهم اولان شی روسيەنك قومشولرنى طويمق سلمه بن روس ايمبرياليزمنك احتراصات دائمة تهدیدکارانه سندن قورتارمق، تعبیر دیكرله اوروپانك و آسانك حضور وسكونى تحت أمنيته آلمقدر. بوتون جهان مدنیته قارشو برغول یبانی کی دیکلمش اولان روسیەيه حدینی بیلديرمك، ترقيات مدنيەنك انکشافنی و رفاه وسعادت عموميەنك محافظه و اعلاسنى تأمين ايتمك روس تهلکەسی یوزندن میدان آلمش اولان (ملیتاریزم)ه یعنی میلیونلرجه عسکردن مرکب اردولره عائد ومترتب بر وظیفەدر.
آوستریا - مجارستان وآلمان اردولرينك روس اردوسنه قارشو احراز ایدەجکلری مظفريتك اهمیتی ایشته اوقدر بيوك اولەجقدر.
تورکیه، حكومات غربيەنك روسيه ايله اجرا ايتدکلری مبارزه و مصارعەيه قارشو لاقيد طورەماز وطورماملیدر. روسیەده برحيات محرومیت وسفالت ایچنده آەوفغان ایدن میلیونلرجه مسلمانلرك منافعى وبالنفس توركيەنك ده منافع عالیەسی دولت عثمانيەنك روسيەيه قارشو محاربه يابان حکومتلر ايله توحيد مساعی ايتمسنی آمر ومستلز مدر.
حکومت عثمانيەنك محاربەيه فعلاً مداخلەسنى يالكز سزك دینداشلریكز دکل؛ روسیه طرقندن قید اسارت آلتنده يشادیلن دیكر اقوام دخی متحسرانه بكليور.
روس حكومتنك اك زياده تضييقاتنه اوغرامش اولان کوزل و زنكين اوقراینامز دخی اوتوز میلیون اهالیسیله حرکته کچمەکزه صبرسزلق ایله انتظار ایدييور.
سر بزی طانيرسـكـز. تاريخ بزى كرك دكرده، كرك قرەده یکدیگر مزه بیهوده بره اولاشديرمدی. (دوروشەنقو) و (اورلیق) نام قهرمانلرك زماننده سزك ايله متفقاً ومتحداً دشمن مشترکه قارشو میدان جنك وجداله آتيلدق. (سيج)ك محووخرابيسندن صوكره بزم (زاپوروغ) قزاقلرى سزك پادشاهکز نزدنده کندیلرینه بر ملجأ بوله بيلديلر. بینمزدەکی قدیم اتفاق دوستانەنك بوكره تجديد اولنەجغى وروسيه آنجق موسقوفلق عالمنى شامل اولەجق حدود اصلیه و طبیعیەسی داخلنه کری آتیلدقدن صوكره حروسربست اوقراينا ملتنك دولت عثمانیه ایله صیقى براتفاق واتحاد حالنده یشایه جغنی امید ایدرز.
اوقراينا جمعیت استخلاصەسی، مسعود براستقبالك حلولنه مشتاق ومنتظر اولدیغی حالده تورکیه طرفندن خصم مشتركه قارشو اجرا ايديلن وايديلەجك اولان هر تشبثی صمیمیت و حرارتله آلقیشلار و ساخته پانسلاویزمه قارشو بارد ولاقيد قالەرق جسور عثمانلی اردوسنه خالص محبت و توجهی ابلاغ و بيان ايلەر.
روسيەنك بردها مثلنه تصادف ايتمك ممكن اولایان میدان اوقویوجی سیاستی تاريخك هنوز قيد ايتمدیکی درجەده مدهش وعظيم بر فلاکتی بوتون دنيانك باشنه دعوت ایلدى. وطنی، روسیه و آوستریا - مجارستان بیننده تقسیم ایدیلن وکندیسیده چارلق طرقندن اینانیلمز بر صورنده تضييق اولنان برملتك اخفادى اولان بز اوقرايناليلر حرب حاضرك اسباب عمیقه خفيەسنى يك ابي آكلايورز. بومحاربه جرمه نلکه و یا اسلاو لغه ملل سائره اوزرنده تفوق مطلق تأمين ايجون ياپيلميور. بو جنك، مدنيت ووحشت آرەسنده جریان ایدن بر مصارعەدر. حرب، بوتون اوروپایه غير قابل تعداد و تقدیر ضررلری ایقاع ایتمش واونك رفاهيت ومدنيتنى نيجه نيجه دفعەلر تهديد ايلمش اولان بر فکری محو و قلع ايتمك ايچون اجرااولنيور: بوفكرايسه پان موسقوفلق فكريدر.