أوقرانيا، روسيه وتوركيه (مقالەلر مجموعەسى)/اوقرايناليلرك فعاليت مدنيەسی

من ويكي مصدر، المكتبة الحرة


اوقرايناليلرك فعاليت مدنيەلری
(کيیف) لى مەلەنفسکی

۱ - ۱۹۰۲ سنەسندەکی کویلیلر حرکتنه قدر اولان دوره.

اوقراینا ملتی، ایکی عصردن زیادہ سورن آغير موسقوف أسارتنه قارشی کمال متانتله کوکس کرمش وروس چارلری حاکمیتنده وموسقوف ادارەلری آلنده کجن اسارت حياتنك بوتون دهشتلرینه تحمل ايلمشدر. اوقرايناليلر، بالكز مقاومت واسکی مدنیت ملیەلرینی محافظه ایله اكتفا ايميوب بومدت ظرفنده بوکونکی آوروپا مدنيتنك برنجی درجەده حائز اهمیت اولان فضائلنه مساوی یکی آثار و محاسن مدنيه وجوده كتير مشلردر.

اوقراينانك حيات مدنيهسی وافكار سياسية مستقلەسی، اوقراینا اهالیسی ايجون أك مظلم صابيلان دوره - اون يدنجى عصر - ده بيله محو ومنقطع اولمامشـدر. فقط اصل انتباه ملی، اون يدنجی عصرك نهايتيله اون سکزنجى عصرك بدايتنده باشلامش وأك مشهور اوقراينا شاعر لرندن پولتاواده طوغان (ایوان قوتلارەفسكى)نك نامیله رابطه دار بولنمشـدر. مومى اليهك (مخرف انەبيدا) نامندەکی اثری، اوقراينا خارجنده بیله اجرای تأثير ايلمشـدر. (ایوان قوتلارەفسكى) دن صکره برچوق ادیبلر دها يتيشمشدرکه (قيويتقا)، (غولاق - آرتەموفسکی) وسائرە بونلر میانندەدر. اون سکزنجی عصر نصف اولنك صوكنه طوغرى اوقراینا حیاتی بر چوق عالملر، اديبلر يتيشدير مشدر. بونلرك اوقراينا تاریخی واتنوغرافيسى حقنده يازمش اولدقلری اثرلر، اوقرانيا علومنی، آوروپا عاملرينك سويەسنه قادار چیقارمش وعينى زمانده اوقراينا افكار مليه وسياسيەسنك تعميق وتوسیعی ايچون مهم برر سائق اولمشلردر. بودوره به منسوب علما وادبادن، مورخ (قوستوماروف)، اتنوغرافي متخصصی (چوبينسكي) ومورخ وشاعر (قوليش)ك اسملرى ذكر ایديلمليدرلر.

فقط بواسملرك قعرنده اوقراينانك بوتون قوای فطریه سنی تمثیل ايدن بويوك اوقراينا شاعری (طاراس شەوچەنقو)نك اسمى بولونمقدەدر. (شەوچەنقو)، اوقرانيا قرەطوپراغنك وشاعر ملتنك قره طالعنك نوزاد حقيقيسدر، هردرلو حقوق وثروندن محروم برکويلى عائله سندن يتشمش اولان شاعر (شەوچەنقو)نك روحى، اوقراينا طويراغی کی زنكين، اوقراینا ملتی کی محزون واوقراينانك استقبالی ايچون بر اختلالجی ایمانیله مشبوع اولدینی کبی کندیسی مظلوملرك برشاعر حقیقیسی ایدی. (شەوچەنقو)نك كليتنى مقدارده بولنان آثار شعريه سنك مألى، ملتنك تاريخ قهرمانانەسی، برلى واجنبي چفتلكجيلرك ظلمي آلنده اقتصاداً أزيلن فقير حلقك آه وأنينى، حساس بر قلب انسانينك اك درين كوشەلرنده بوظلمه قارشی اوپانان نفرت واوقرايناليلره مخصوص اولان شعر عشـقيدن عبارتدر. اسلاو ادبیاتی کوزل طانیان آوروپالیلر، شاعر (شەوچەنقو)بي غربی آوروپا ادبياتنك قلاسيق شاعرلرينه قياس ایتمکدەدرلر. (شەوچەنقو)نك غايۀ سیاسیەسی، اوقراینایی موسقوف حمايه سندن تماماً تخليص ايتمك ايدى. مومى اليه، شعر لرنده بوغایۀ سیاسیەيی مدح ومدافعه و(كييف)ده (كيريل ميتودیا) نام جمعیت سیاسیەيی تشکیل ابتدیکی ایچون اون سنه مدتله اورەنبورغ طرفلرینه نفی ایديلمشدی. بومناسبتله دیكر بعض اوقراينا جماعت خادملری ده دوچار ظلم اولمشلردی دوچار حکومتی، (شەوچەنقو)نك اشعارينى حاوى (قوبزار) نام اثرك نشرنى منع ايتمشدی.

فقط اوقراینادەکی فعالیت دوام ایتمش ايدى. اللنجى (١٨٥٠) سنەلر دورەسنك وسطنده اوقراينانك خرسون ولا يتـده «قازاقلر» دورەسنك عنعناتي تخطر ايدن اسير كويليلوك تصديق وعصانی اوزرینه، کویلی به حریت شخصیه ویریلدیکی زمان اوقراينانك افكار منوره اصحابی افراد ملت آراسنده در حال فعالیت مدنيەبه كبريشه رك اوقراينا لسانی اوزره خلقه مخصوص بر ادبیات وجوده كتيرمكه، ياشلی انسانلر ايچون آيريجه مکتبلر تأسيسه ورسالەلر نشرينه باشلا مشلردر. اوقراينالى مكاتب عاليه طلبەسی. «اوقرابينستا غرومادا» نامندەکی جمعیت اطرافنده طوپلانمشلردر.

فقط روسیه حکومتی طرقندن یکی بر ضربەدها حاضر لا نمش و۱٨٧٦ سنەسی، روس املاسی1 اوزرەبازیلان رومان و حکایەلردن بشقه غزته ورسالەكبى اثرلرك اوقراينا لسانجه نشرينى منع خصوصنده فرمان صادر اولمشدی. بو ایسه هر درلو فعالیتی واجراآنی تضييق ايلمكده وحتى بعض تشبثلرى تماماً عقيم براقمقده ايدى. باخصوص بو حال، (۸۰) نجی سنەلر دوره سندن بری روسیەده ارتجاعك کسب شدت ایتمەسی اوزرینه دها زیاده قالشمشـدى. لكن كيف دار الفنوننك تاريخ معامى ولاديمير آنطونوویچ و رفقاسي ودها صكره عينى مكتب معلملرندن ميخائيل دراغومانوف و «دراغومانوفلر» کی یکی وفعال قوتلر، دعوای ملی یی یکی بر اصولده بويوك برمتانتله تعقیب ايتديلر. عینی زمانده بر طرفدن (چوبنسكى، وولقوف وسائرەکی) اوقراينا اتنوغرافيستلری کندی ملتلری حقندەکی قیمتلی تعاره دوام ايله اوقراينا عاملرينه مخصوص اساسلر وجوده كتير مكده اولدقاری کی دیكر طرفدنده ايلك جماعت خادملرينك بوتون نظرلری، روسلاشمغه مستعداولمايان واوقراينانك اسكى مدنیت ملیەسنی سینه سنده محافظه ایدن خلقه معطوف ایدی.

دراغومانوف عینی زمانده «اوقراینا اتحادی» نامنده خصوصی بر مکتب سیاسی وجوده كتيردى. مومى اليه، (۸۰) نجى سنەلرك يورغونلق وارتجاع دورەسنده اوقراينا جماعتنك نظر دقتنى - روس چارلغی و روس مركزيتك علهدارلغی شکلنده اولەرق - یکدن مسائل سیاسیەبه جلب ايتمك تششده بولوندی. دراغومانوف، روس حكومتنك تعقيماتندن قورتولا بيلمك ايچون ممالك اجنبيەبه كتمکه مجبور اولمشدى. مومى اليه، امالیسی بنه اوقراينا لاردن عبارت بولونان آوستريا غاليچياسنده قالارق آز وقت ایچنده اوراده يك آتشین طرفدارلر بولدى. واقعا، قوليش قونیسکی، آنطونوویچ و سائرەکی اوقراينا جماعت خادملرينك غاليچيا اوقراینالیلریله اولان مناسباتى دراغومانوفدن دها اول باشلامشدی؛ فقط غاليچيانك انتباه مدنیه و سیاسیەسی خصوصنده دراغومانوف قدر خدمتی سبقت ایدن اولمامشـدر. مومى اليهك غاليچيادەکی مکسی آز وقت ایچنده اوقراينانك اك اسكى شاعرلری ایوان فرانقویی ودها بر بلوك جماعت خادملرنی حاضر لا يوب بتشدير مشدر.

۱۸۷۰ دن۱۸۹۰ سنەلرینه قادار ادبیات و صنایع نفیسەده اسکیلردن رودانسکی، غرابوفسكى، ويكيلردن صامی لنقو، لەسيا اوقرابينسقا کی بر چوق شاعرلر يتيشمشـدر. رومانجیلردن مارقو ووچکی، ایوان لدويتسكى واولغا قوبيليانسقا کی ادیبلر ذكره شاياندرلر. او دورەده بر قاچ قومپوزیتور دخى يتشمشدر. بويوك بر شهرته مالك بولونان (ميقولالی صەنقو) بونلر میاننده در. مومى اليهك اوقراينا موسيقيسندەكی موقعی، شەوچەنقونك ادبياتدەكى موقعنه معادلدر. (لى صەنقو) اوقراینا لسانی اوزره بر قاچ اوپرا ترتیب ایتمشدر.

بونلردن بشقه، اوقراینا ملتی، بوتون دنیاجه مشهور اوپرا مغیلری دەیتیشدیر مشدر. ميشوغا، ديدور، منچینسکی، قروشەلنيچقا، آلچفسکی کی منسيلر پك بويوك بر شهرته مالكدرلر.

هر نه قادار اوقراینا مدنيتنك بيك مشكلاتله جریان ایدن انکشافی اثناسنده مشاهده اولونان بوتون بو حقایق، اوقراينا طبقات مليەسـنك توكنمز درجەده كثير و متین قوای حیاتیەبه مالك بولونديغنى و أك آغير شرائط ساسیه ایجريسنده يشایان بوغيور ملتك متمادياً يکي و مستعد قوای مدنیه و سياسيه وجوده كتير مش اولديغنى كوستر مكده ايسەلرده، بونكله برابر ملت طبقەلری اوزون مدت سكونت ايچريسنده يشامش واونك باشليجه رولی، ملی اوقراينا لسانى، اوقراينا عاداتی وشرقیلری کی اسکی ثروت ملیەیی سینەسنده محافظه ايتمكدن عبارت قالمشدر.

فقط ۱۸۹۲ سنەسی بوجهتده يك بويوك بر تبدل و قوعه كتير مشدر. واوندن صکره اوقراينانك اهالی طبقەلری (خلقی) اوقراینا آثار مليه ومدنيەسنك احداثی کیفیتنه آچیقدن آجقه و فعال بر صورتده اشتراكه باشلامشدر.

۱۹۰۲ سنەسندن محاربۀ حاضره به قدر

اوقراينا کویلیلری، افکار منوره اصحابندن عبارت اولوب اوقراينـاده ياپيله حق هردراو حركات سياسيەنك موفقيت و يا عدم موفقيتنى تعيين وتأمين ايدن يكانه بويولد قوتدر. اوقراينانك اوزنكين تاریخی بنه، عصبانلر حقارارق اوقراينا ملتنك يرلى وأجنى فاتحلر طرفندن غصب ايديلن اراضی وحريتنى استرداد يولنده مجاهدلر يتشديرمش اولان اوقراینا کوپلینری تاریخدر. بوغدان حيمه لنيچكينك تحت قومانداسنده اولارق ظهور ايدن اختلال عسكرينك أهميتلى بر حادثه صرەسنه كيرمسى، كويليارك وماتك ده اشتراك اتمسى وحتی مینی زمانده زادكان صنفی ده اختلاله تشريك ايديلمسندن ایلری کلمکدەدر.

فقط قورناز چار سیاستی، حين حاجتده تارلا صباتی اختلال سلاحه تبديله آلیشمش اولان کوی خلقنیده اویوشديرمشدر. اك نهايت (٥٠) نجى سنەلرك متفرق حركاتندن صکره سنهلر کمش وكويليل استحصال اراضی و حقوق ايدنجه چارلغه جداً صاريلمش وسکونته طالشدى. بونكله برابر آغير ويركيلر واسطه سیاه صوبولمقده اولان اوقراینا اهالیسی2 کيتدکچه ضرورته اوغرامش وعينى زمانده اراضينك عدم كفايتى ده پك زياده حس ايديلمكه باشلايەرق عدم خشنودی ده یاواش یاواش آرتمش ايدى. بونلرك هپسی ۱۹۰۰ سنەسنده اوقراينا فرقەسنك ظهور ایدن اختلالی ایچون بر زمین حاضر لامش ايدى. بوفرقه، كزلجه باصيلمش رساله، غزته وكتابلر طاغيتمقده واوقراينا کویلیلری آراسنده پك بويوك بر توجه و محبت قازانمقده ایدی. اوقراينا كويليلرينك ١٩٠٢ سنەسی، خارقوف وپولتاوا ولا يتلرندەکی عمومی حرکت اختلالیه لرینی حاضر لايان بو فرقەدر. مذکور اختلال، بوتون روسیه مجادلۀ سیاسیەسنده يك مهم وتاريخى برموقع قازانمشدر.

بو حركت، عادتا بويوك اختلالك برباشلانغیحی ایدی. اودقیقەدن اعتباراً باشلامش اولان انتباه اجتماعی و سیاسی، اوقراينا حيات مليەسنك جهات مختلفەسنده پك چوق تازه قوتلر وجوده كتيرمش وبوحركته عوام طبقەلرینده جلب ايتمشدر، اودورده پتیشن کنج نسل، اسکی جماعت خادملرينك نفوذينى تحديد ايدرك آنلرك جسارتسز اولان خط و حرکتی تبدیل وتعديل ايلمشـدر. اوصرەده احوالك تأثيريله بر چوق قوتلى واستعدادلی رومانجيلر يتيشەرك حكايه و رومانلرنده بوایکی حالت روحیه اجتماعيه به ترجمان اولمشلردر. بونلردن ميخايلو - قوچوبیتسکى وولاديمير وينيچەنقو آلمان وسائر لسانلره ترجمه ايديلەرك اوروپاده دخی کسب شهرت ایتمشدر.

اختلال سنەلرنده اوقرایناده بر قاچ سیاسی فرقه اجرای فعالیت ایلمکده ایدی. اوقراينا کویلیسی اوزمان (اختلالده) تشکیلات وجوده كتيرمك خصوصنده بويوك بر قابلیت کوستر مشدی که (خیمەلیچکی) زماننده ایکی سنه ظرفنده اوقراينا دولتنك وجوده كتيريله بیلمەسی آنجق بوسايەده ممكن اولمشدى. دومانك ايلك ايکى انتخابی، اوقرایناده اوقراينـا فرقەلرينك تأثيرات مطلقەسی آلتنده اجرا ایدیلمشـدى.

حكومتك ايكنجی دومایی داغیتدقدن صكره كورك ونفى جزالرينه محکوم ایدیلن اوقراينا مبعوثلری حالا سيبرياده چورومکدەدرلر.

اوقراینا ملتی، اختلال کونلرنده کندی لسانی اوزره کتاب وغزتەلره مالك اولمق حقنى الده ايتمشدی، اختلال و آنی تعقیب ایدن ارتجاع، اوقراینا ملتنه ایی بر مکتب سیاسی بخش ایتمشلردى. ملتك بوتون طبقاتی حیات اجتماعیەيه قارستی کوزینی آچمش و اوقراينا حركتنك انکشافی او وقتدن برى بويوك آديملرله ايلريله مكده دوام ايتمشدر. فى الحقيقه قرەروس مرتجعلوی چوقدن بری «بوتون اوقراینالیلر روسیەبه قارشی خائندرلر، آنلرك هيسى حبس ونفى اولونمالی و بوتون اوقراينا محوایدملمیلی!» یولنده باغير مقدەدرلر. ذاتاً چار حکومتی ده حتى أمپرياليزم حساتيله مشبوع بولونان ليبراللرك آرزوسیله بویله بر مقصده خدمت ایتمکدەدر. فقط اوقراينا دعواسی، طبقات ملیه آراسنده اوقدر درین برموقع طوتمشـدركه بونلری حبس ايتمك مشكل اولدیغی اوتوز ميليونلق بوقادار بويوك بر ملتی یو تمق آچ کوزلی موسقوف آغزلرينك بيله كاری دکلدر. اوقراينانك هر خصوصنه قارشی صوك درجه به واران تضییقات، مثلا روس ژاندارمەلرينك اوقراينا کوی و قصبەخانه پرنده هیچ آره سر تحريات بهانه سيله كيروب اهالينك اك زياده سومکده اولدیغی شاعرشه و چەنقونك رسملرنی دیوارلردن اينـديرهرك چيزمەلری آلتنده چیکنەملرى واك نهايت بعض بدلا موسقوف پوليس مأمورلرينك اوقراينالیلری کندی لسانلرنجه شرقی يلمكدن وتياترو اوينامقدن منع ايتمەلری کبی بر چوق تدابير نالایقه، خلقده روسیەبه وروساره عائد هر شيئه قارشی درین بر نفرت اوياندير مقده وموسقوف استبدادينى ده ويرمك وروس حاكميتنـدن قورتيلمق احتياجنك بر ضرورت درجه سنه کلدیکسنی حس ایتدیرمکدەدر.

اوقايناليلرك صوك سنەلرده ألده ابتدکلری موفقیات مدنیەيی مختصر بر صورتده اولسون تصوير ايده بيلمك ايچون يالكز كييف شهرنده، کتاب طبع ونشريله اشتغال ایدر درت بويوك اوقراينا تجارتخانەسی موجود بولنديغنى ذكر ايتمك كافيدر. بونلر پك سريع بر صورتده ترقی ايتمكده ويك بويوك معاملات تجاريه اجرا ایلمکدەدرلر. اوقراينا جماعت خادملرندن معلم (م . غروشەفسکی) ایله سابق قرەدكز فیلوسی قوماندانی آمیرال (آرقاس) ك «اوقراينا تاریخی» نامیله آيری آری نشر ايتمش اولدقلری بش يوز صحفهلك ايکي اثر، آز زمان ظرفنده واك زياده كويليلر آراسنده اولارق فرق بيك نسخه صاتیلمشدر! بونلردن ماعدا نشر اولونان دیكر ایکی اوقراینا تاریخی ده پك كليتلى مقدارده صاتيامشلردر. محاربه بدايتەقادار (۲۰) اوقراينا غزته و مجموعەسی موجود ایدی. فقط حركات عسكريەنك اعلان ابدیلدیکی كون بونلرك كافەسی تعطیل ایدیلمشدر. بونلردن ماعدا برقاچ مدنیت و معارف جمعیتلریله دیكر برطاقه جمعيات علميەدخی موجود در. بونلر، پك مدعش بر مجادله سایەسنده بوکونه قادار ادامه موجودیت ایده - بيلمشلردر، بوجمعتلر انجريسندن (شەوچەنقو) نك نامنى طاشيان و بوتون اوقراینالی دار الفنون معاملرني وعلمانی برلشدیرن «کييف جمعیت علمیەسی» آيریجه ذكره شاياندر. ایکى مجموعه ایله برطاقم رساله نشر ایتمکده اولان بوجمعت، روسیەدەکی اوقرايناليلر ايچون اوقراینا خصوصی علم آقادەمیسی رولنی اوینامقدەدر.

اوقراینا حركت مليه ومدنيەسنك استناد ایتدیکی باشلیجه دیكر برقوت دها وارسه، اوده اوقراينا قوئوپراتيف جمعیتلریدر. انواعی (٦٠٠٠)ه واران بوجمعيتلر مختلف منطقەلرده قسمها اتحاد ايتمشلردر. بونلردن مثلا (۳) میلیون روبله سرمایەيه مالك بولونان «كيف كوچوك اعتبار مالی جمعیت اتحادیەسی» في ذكر ايتمك لازمدر. اوقراينا لسانی اوزره ایکی قوئوپراتیف مجموعەسی نشر ایدیلمکدەدر. بوموفقيتارى ألده ايدەبيلمك ايچون اوقراینا قوئوپراتیف جمعیتلری كرك حكومت، وكرك حكومتك موسقوف قوئوپراتيف جمعتلرینه ويرمش اولدیغی امتیاز طرفندن ايقاع ايديلن مشكلاتيله اوغراشمق مجبوريتده قالمشلردر.

اوقراينانك انتباهنده پك بويوك رول اوينامش اولان اوقراینا تياتروسنك ذكرى ده اقتضا ايدر. مذكور تياترولرده ملى أثرلردن باشقا، آوروپا ادبیاتندن ترجمه ایدیلمش اثرلر دخی اوینانمقدەدر. ملی اثرلرك باشليجەلرندن قوتلارەفسكى نك (پولتاوقا وسائرہ کی) أثرلرى وأك مقتدر آقتورلردنده طوبیلەویج وقروبنتسکی کی استعدادلرده ذکرایديلمکه سزادرار. صوك اللى سنه ظرفنده اوقرایناده تياترو أثرلرى پك زياده آرتمشدر. بونلرك آراسندن وينينچنقونك ملی اثرلرى أك مهملرندندر، اوقرایناده شهرت قازانمش برقاچ دانه اسکی تیاترو قومپانیەلری موجود در، بونلردن أك مهمى، كييف ده آرتیست صادوفسكينك تحت ادارەسنده بولونان دائمی اوقرينا تياترو قومپانيەسيدر. ولاياتده ارباب مراق طرقندن ترتیب ایدیمش بر قاچ یوزتياترو قومپانیاسی واردر. بونارك آراسنده کویلی تیاترو قومپانیەلری ده واردر. بوتياترولرده، پولیس ادارەسنك بوتون ممانعتلرينه رغماً تغنی هیئتلری طرقندن ملی شرقيلرده سويلنمكده وبوصورتله بويوك بر فعالیت مدنيه ابراز اولونمقدەدر.

اوقرایناده مليت دويغوسنك، وحتى روس اداره مرکزلرینی تشکیل ایدن شهر لرده بیله نەدرجه قوتلنمش اولديغنى آكلامق ايچون صوك سنەلرده اوقرايناليلر طرفدن باپیلان برقاچ بويوك ومهيج نمایشلری نظر دقته آلمق کافیدر. ایکی سنه اول، کیفده وفات ایدن اوقراينانك خلق آراسنده اك معروف صايیلان قومیوزیتوری (ليصەنقو)نك مراسم تدفينيەسنه (۲۰۰,۰۰۰) كشيلك برحم غفير اشتراك ايتمشدى. چلنکلرده یازیلی اولان وطنپرورانه حملەلر اوقراينا ملی رنكنی حاوي بولونان قوردەلالر، بر چوق هیئات مرخصەلر ومتوفانك مزاری اوکنده سویلنن نطقلر، بونمایشه دها مؤثر بر ماهیت مليه و سیاسیه و بر مشلردرکه بونك نتيجەسی اولارق كييف واليسی حکومت طرقندن تبدیل ایدیلمیشدی. بوندن برسنه صکره ينەکييفده وفات ابيدن كنج اوقراینا شاعرەسی، (سیا اوقرايينقا)نك مراسم تدفينيەسنده پوليسك تدابير شديده سنه رغماً ينه بويوك بر نمایش اجرا ایدیمشدی.

ایکی سنه اول، آوستريا ايمپراطورينك غالچياده خصوصی اوقراینا دار الفنونی کشادينه مساعده ایتدیکی زمان، غالیچالیلردن روسیەدەکی قارداشلرینه کلن بوزارجه مسرت مکتوبلری اوقرایناده عمومی شنلکلر و نمايشلر اجراستی انتاج ایتمشدی. مختلف صنوف اهالیدن - کویلی، اصناف، اینجی، علماو سائره بيكلرجه امضایی حاوی تبریکنامەلر باغدير مشاردی.

کچن سنه «دوما»ده رئيس رودزيانقونك اوقرايناليلر عليهنده ایراداتمش اولدیغی نطق، بیکلرجه کویلی وايشجى طرقندن امضالی پروتستونامەلر نشرنی موجب اولمشدر.

١٩١٤ سنەسی دخی ملی ایکی بویوك نمایش وقوع بولمشدر. برنجیسی، بو سنه بدايتنده عمومی روس ولایت مجلسارنده ابتدائی معاملو طرفندن اجرا ایديلمشدر. بو اجتماعده اوقراینادن کوندریلن مرخص معلملر، اوقراینا مکتبلرنده روس لساننك استعمالى واوقرايناللری روسلاشديرمق ایچون تعقیب ایدیلن اصول عليهنه بر پروتستوقراری اتخاذا يتمشلردر. بو قرار، اسلام، كورجى، بلغار وحتى روس (دەموقرات) معاملرينك مظاهر تيله اجتماع عموميده قرائت وقبول اولونمشدی. فقط اوقراينا معاملری دعوای ملیلرینه خادم اولان بو حرکتلوندن طولایی يك زياده دوچار تضييق اولمشلردر.

دیكر و دها بويوك بر نمایش ده ١٩١٤ سنەسنك شباطنده واوقراينانك بوتون بويوك شهر لرنده واقع اولمشدر. بو نمايشلرینه، روس حكومتنك، بويوك ملت شاعری (شەوچەنقو)نك يوزنجى سنۀ دوریەسی شنلکلرینه مساعده ايتمه مسندن ایلری کلمشدر. نمايشجیلر داغدیلمش، بر چوق اوقرايناليلر توقيف ايديلش ايديلر. حتى موقوفيندن بعضلری حالا روس زندانلونده چورومکدەدرلر. شوراستی سويلك لازم كليركه محاربه باشندن بری یوقاريده ذكر ايديلن محبوسلره روس مأمورلری طرقدن سيكارجه اوقراينا جماعت خادملری دھا علاوه ايديلمشدر.

اوقراينا ملتی ادامه موجوديتله برابر ملی بر مدنیت وجوده كتيرمکده اولدیغی کی کندیسه مخصوص بر طاقم تاريخى يوللرك موجود بولونديغنى آكلا مقدەدر. بوملت، كنديسنك تكامل مدنيه ومليهسى يولنده تصادف اتمکده اولدیغی موانع و مشكلاتك نه طرفدن كلديكنى وباشلجه دشتك روس چارلغی، روس حاکمیتی ويبانجی موسقوف بويوندوروغي اول يغني أك آشاغی طبقەلرنده بیله حس ايدييور. اوقراینا ملتى، بالكز مجادله قوتلری حاضر لا مقاه قالميوب مستقل بر دولت حالنده شامغەدخی حاضر لانمشدر. محاربۀ حاضرەنك


  1. روسیه حکومتی، اوقراينا لسانتك اوقرايناده بولنان بوتون مؤسسات اداريه و اجتماعيەده وحتى مكتبارده دخی استعمالتی دها أولدن منع ايتمشدى.
  2. جهت اقتصاد بەده روسیه طرفندن بر مستملکەکی دائما صويولمشدر. اوقراينا حقنده پاپيلان استاتسنيق جدوللرندن آكلاشيلديغنه کوره اوقراينا اهاليسندن طويلانان وبرکو حاصلاتتك آنجق بوزده ألليسى اوقراینايه و قالان قسمى روسيه نك ديكر جهتلری ایچون صرف اولونمقددر.