عوام صنفنه طانيتمغه موفق اولديلر. بوپروباغاندا سایەسنده اوقراينالار برنجی و ایكنجی روس دوماسنده آپی مقدارده مبعوثلر بولنديره بيلمشلردر. اوقراينا مطبوعاتی آرەسنده دها یکی موقع انتشاره چیقان جرائدایکی فرقەنك وبالخاصه سوسياليست دەموقرات فرقەسنك نظريات واجتهاداتنه معكس وترجمان اولیوردی. روس اختلال عموم سنی تعقیب ایدن سنەلرده اوقراينا سوسياليست اختلالکار فرقەسی تأسیس اولندی بونك افكار ونظرياتى عنى روس فرقەسنك اجتهاداتنه موافق و شیوردی. مع مافيه بو آنه دكين اوفرقه اوقراينـاده بيوك بر نفوذ اكتساب ایدەمامشدر.
۱۹۰۷ سنەسده وقوته كلن روس حرکت ارتجاعيەسی اوقراینا فرقەلرينك فعاليت علنية مشروعەسنى جبر وزور ايله منع وتوقيف ايلدى. مع مافيه فكرار سونكو ايله محو اولانەمن. یکی و كنج اوقراينا مطبوعاتی که بومطبوعات افراد ملتی يکديكرينه معنا ربط ايدن يكانه قوت اولەرق قالمشدیـفرقەلرك فعاليته دوام ايلدى، اوقراینادەکی جریان افكار وحيات هیچ طورمدی. اوقراینا حركت فكريه ومدنيەسى مانعەلر طانیمان كنيش وخروشان بر نهر کی آقوبایلری کلکدەدر. ۱۹۰۷ - ١٩١٤ سنەلری آره سندەکی زمانده اوقراینا حیات ملیه سندەبيوك تبدلات وقوعه کلدى. اوقراينا مفكوره مليەسى بويدى سنەلك دور اثناسنده درین بر استحاله كيردى ومليت نقطه سندن فوق العاده كسب قوت ایلدی. هر شيئك قيمتى اساسلی بر صورندەده کیشدی. حيات سياسيهنك حقايقنى اوکرنه اوکرنه اوقراينا ملتى اجانبك كندى حركات وتجاهدات مليەسنى تقدير وكنديسنه بومجاهداتك ظفرنى تأمين ايچون معاونت ابراز ایدەجکی حقندەکی اسکی امیدلرینی کسدی.
