راكب فوق حر
هذه بعث بها العوني الى رؤساء شمر وقت حصار الجوف رائعة.....
راكب فوق حر يذعره ضله
- مثل طير كفخ من يد قضابه
ماحلا فزته والخرج زاهٍ له
- والميارك على متنه تثنى به
من سكاسكا ترحل واترك الذله
- واحذر الجوف هاجوسك تمعنى به
سر لشمر وخبر لابتي كله
- لابة باللقا حى من لابه
قل لوادي وابو عافت بعد قله
- يانهار على الجوبة حضر نابه
الدخن فوقنا مثل الدجا ظله
- من رويل وابن شعلان واجنابه
دريو انا قليل وابتغوا خله
- وارتكينا بعون الله واحجابه
مانحق النظر من كثر خلق الله
- وين شمر هل العادات والجابة
وين مطني وعباس وربع له
- يالها كربة ٍ لولا لها لابة
وانخ طايس وبرجس هو وجندٍ له
- وانخ عبده الى من حل ضبضابه
وانخ راع المليحا لاتساهل له
- وانخ شمر وعط الصوت يدرى به
وانخ فهران واخو رفعة ورمح له
- يلتقى بالملا قا كف قضابه
وانخ ضاري والأسلم قل تجى كله
- واخو صلفه الى منه كلح نابه
وانخ سنجور قاسم ساتر الخلة
- وانخ غضبان ابو علوش واقرابه
وانخ عدوان ابو ممدوح بيتٍ له
- يرفع الصوت للغلمان بالجابة
وانخ اخو شاهة المغوار وافطن له
- وانخ مطلق مع التومان واقرابه
وانخ عايد وابو عصمان جاحله
- وانخ شيبان شمر وانخ شبابه
وانخ مياح واهل الدين والمله
- وانخ الاخوان جند الله واحزابه
(1)= وادي ابو عافت من كبار شمر
(2)= مطني بن شريم وعباس من شيوخ شمر
(3)= هابس وبرجس من شيوخ شمر
(4)= راعي المليحا هو ندى بن نهير من شيوخ شمر
(5)= فهران اخو رفعه هو فهران الصديد
(6)= ضاري بن طواله الفارس المعروف أمير الأسلم من شمر
(7)= اخو شاهه المنصور هو مشل التمياط من شيوخ شمر
(8)= مطلق الجربا من شيوخ شمر في العراق
(9)= سنجر هي سنجارة قاسم بن رمال من شيوخ شمر
(10)= غضبان ابو علوش من شيوخ شمر
(11)= عدوان ابو ممدوح هو عدوان الهربيد من شعار وطيبين شمر
(12)= فاهد وبايق من شيوخ الزميل من شيوخ شمر
(13)= مياح واهل الدين الاخوان المتدينين من الشلقان من الزميل من شمر