صفحة:أوقرانيا، روسيه وتوركيه (مقالەلر مجموعەسى).pdf/55

من ويكي مصدر، المكتبة الحرة
صُححّت هذه الصفحة، لكنها تحتاج إلى التّحقّق.

٥٦

ظهور ایندیکی دقیقەدن اعتباراً اوقراينا دولتی احداثی نامنەاولارق بوتون اوقراینا سیاسی جریانلرینی برلشدیريجی «اوقراينانك خلاصكار جمعیتی» وجوده كتيريلمشدر. اوقراينا ملتنك سربستجه انکشاف مدنیسی یولنی آچوب تميزلەيەجك اولان بو برنجی طوپوزك، روس چارلغنك قفاسنەایندیریلدیکی زمان، اوقراينا بويوك سوزينى سويله مكده كجيكميه جكدر.

روس اوقرایناسی
(پولتاوا) شهرنده مقيم (آ . ژوق) طرفندن قلمه آلنمشدر:
روس اوقرایناسنك مساحۀ سطحیەسی، تقسمات اداریەسی
وعدد نفوسى

روسیه اوقرايناسنك مركزى اوقراينا أيالتارينى شامل و جامع اولان اراضی اصلیه سی ٥١٠,٠٠٠ کیلومتر و مر بعده اولوب آوستريا حدودندن شرقه طوغری (دون) نهرینه قدر وقرەدکردن شمال استقامتنده (پريپەت) ایرماغه قدر اوزانمقدەدر، اوقرايناللرك ساکن اولدقلرى تكميل قطعاتك وسعت مجموعەسی ٨٥٠,٠٠٠ کلومترو مربعنه رسیده اولمقدەدر.

اوقراينـانك چکردەکی حکمنده اولان بالاده مذکور اراضی اصليه، طبيعةً وتاريخاً اوچ اساسلى قسمه آييرلمقدەدر. بوقسملرك برنجیسی (دنیەپەر) نهرينك ساحل يميننده كائن يرلردن متشكلدركه بونلر وضعيت جغرافیلری اقتضاسنجه شرقدن جنوب غربی يه طوغری متمايل ومتوجهدر. بو حوالی داخلنده (کيەف)، (پودولی)، (وولهينا) ودها یکی تشکیل اولنان (خولم) ایالتلرى موجوددر.